الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
تنويه : لجميع الخريجات والعاطلات عن العمل
اخواتي اثناء التقديم والمقابلة او الاتصال بالشركة انتبهي لهذه الأمور
1. اهم شي اسم الشركة واضح وعنوانها بالتحديد واكو رقم تليفون او أميل للتواصل والاعلان يكون من مصدر موثوق .
2. لاترحين وحدج للشركة واعتبر هاي الخطوة الأهم ... هسه وحدة تكول ماكو احد يروح وياي واهلي مشغولين اخذي صديقتج او بنت عمج او خالج واذا ماكو كلفي اي شخص قريب عليج يروح وياج واشوف مابيها شي على سبيل الاطمئنان .
3. اذا كانت المقابلة منفردة مع المدير او مسؤول التوظيف كوني شخصية قوية ولايغرج الكلام المعسل من الراتب وراحة العمل .
4. الأنتباه في حالة اذا كان الراتب عالي كلش والشركة عراقية هذا شيء يثير الاستغراب لأن الشركات العراقية رواتبها معروفة !!
5. انتبهوا زين من ترحون للشركة يعني اكو اسم واضح الها وبيها موظفين لو لا ؟ اكو عمل يعني واحد يطمأن من الجو العام للشركة .
6. ايضاً الانتباه للشركات ألي مقرها شقة بعمارة او بيت بداخل فرع او هيج شي وهذا كلامي مو عام فقط لغرض الانتباه .

(انتبهي من هاي العبارات الي يحجوها بالتليفون او بالمقابلة)

1. احنا محتاجين بنية تكون اجتماعية وحلوة لان يزورونا وفود اجنبية وبالنسبة للراتب بسيطة مانقصر !!
2. يسألوج لابسة حجاب او لا ؟ عندج قابلية تتركي لان راح تصيرين واجهة الشركة وحتى تظهر الشركة بالمظهر الي نريدة !!
3. مرات شغلج يتطلب سفر وايفادات للمحافظات وبعض الدول لازم توافقين حتى تطورين نفسج وتطورين الشركة !!
4. شغلنا مرات يتأخر لليل ومرات ندز عليج بأوقات العطل !!
5. راح يكون عملج سكرتيرة وانتي تديرين الشركة من بعدي وما اريد احد يطلع على شغلنا واي واحد يحجي وياج بس گليلي !!

أخوان لحد يكول تبالغ او منطي الموضوع اكبر من حجمه لأن توصلنا هواي رسائل واكيد هاي السوالف الي جاي اسولفها مارة على بعض البنات لذلك اتمنى تتأكدون من الشركة قبل العمل لأن سمعة البنية فوق كل الاعتبارات و لاتخلين الحاجة الماسة للوظيفة تفرض عليج بعض الأمور وخلي بالج حياتج كان حافلة بالأخلاق والادب حرمات يضيع بهفوة او غلطة .
الله يستر عليكم وعلى عوائلكم ويرزقكم العمل الشريف بأقرب وقت واعذروني ع الصراحة بس الموضوع مهم ولازم نثقف بي كل اخواتنا وطبعآ هذا كلامي مو عام اكو شركات محترمة تحافظ على سمعتها .

 

مواضيع ذات علاقة

أقسام الرافدين

عودة
أعلى أسفل