خذني يمك بعد ماضل كل عذر لاتعتذر - جبار رشيد

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
خذني يمك بعد ماضل كل عذر لاتعتذر

ليل عمري وعمرك مخلص بعد مابيه صبر
خل نلم احلامنه وناخذ صورهن قبل لاياخذهن ابدربه الفجر
وخل نلم الباقيات سنيني وسنينك نسويهن عمر
وهنه ميكفن عمر؟؟
ونبدي من جده وجديد بواهس سنين الصغر
ولو وازانه الكبر
خل تمشي ايامنه بخطوة العاقل من عثر مره ورجع يمشي حذر
وأفتخر بيه وي روحك وآني وي روحي اضل بيك افتخر
خل نسوي العشره ورقه
ونصنع من الدمعه والضحكه حبر
حتى كل لحظه التمر بالجاي نكتبها شعر
وخل نكول الماضي غلطه وذنب يسجل ذنب من ينذكر
حبني لاتضل تعتذر
حبني واجبرني على حبك؟ الروح ماتعشك لون ماتنجبر
السيف ماينهاب لوماكو الطبر
حبني لاتضل تعتذر

واعترف راح اعترفلك
واحنه شو نفس الامر!!

اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتوهمنه بالحب ننتصر
اثنينه انعاني الغدر
واعترف راح اعترفلك

كلبي جان شكد جسر
وآنه جتفت الجسر

وآنه وزيت الحمامه على النسر
واسمع السر الخطر

صنم؟ سويته بديه وادري ماينفع يظر!

وحاطه كبالي وعجيبه الشوك

من عنده انتظر
وانته مثلي بهل أمر
صنم سويته بديك شتنتظر
خل نهدم اصنامنه وكافي كفر
وبلكي نهده ونستقر
وبلكت وياك وانه وياي استمر
وبلكت المامر كبل هسه يمر
وبلكت جناح العشك لبعيد ياخذنه ويفر
خذني يمك كبل لايخلص صبرنه
ويطفه دم وجوهنه وتطلع صفر
خذني يمك كبل لاينحك ذهبها اطباعنه وتطلع صفر
خذني يمك كبل لا يم الصفر ينحط صفر
 
كلمات رائعة
عاشت الايادي عجوزنا

لك كل الود
 

أقسام الرافدين

عودة
أعلى أسفل