انا بلياك كَلبي شما يدكَــ يبرد / عريان السيد خلف

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
انا بلياك كَلبي شما يدكَــ يبرد / عريان السيد خلف

ياباب الفرح ..والحزن مد الشوف
خايف لايهب عالي الهوى وتنسد

ياأسود رمش هنيال لون الليل.

چي لنـــّه ويه عينك دوم يتودد
فضلك عالحسن إنت آخر العنكَود

وبستان الورد لولاك ماورد
يازفه عرس ضحكتك تالي الليل
وياعين الصكَر بالزعل من تحتد
يالتدلع غنج واليحب مو كَصاي
وانت اعله الچتل مبخوت تتكَـّصد
ياصوغة هدايا وفضفضاك الليل
لاتلتم بديــــــه لاهوى وتنشد
عودني إعله بعدك ونته أبو الطيبات
بلكت عالصبر يمعود أتعـــود
كَالولك حلو وخلوك بيه إتجور
والكلك شوصف بيك وشعدد
أشو لامو حلو وما تشبه الغزلان
ولاريح الكـــرنفل بيك لو ورد
ولا عينك مسافة وبسمتك سلوان
ولا كل اليشوفك عمره يتجدد
ولا الله إبتلاني وخالط الجيلين
ولاعمري إعله شربه ماي يتفرهد
ولا تزهي ابشبابك ..ماخذك طغيان
ولا إنته العزيز البيك بس أركد
ولا صوتك شجي وحچايتك ناكَوط
ويشفافك نظاره الماحواها أحــــد
ولا غاوي ولذيذ وتشبه النعناع
طيبـــــــــه وطيبتك كل يوم تتجدد
ولا طولك مصيبه ومثل كل الناس
حسنك مو حسن وخدك مو مثل كل خد
وياأسهل من إسمي وصعب حد الغيظ
وطلاسم لــــو ردت وياي تتشدد
صدكَني أحبك حب غريب الطــــــور
وأحب صبرك علي وما كلت لحد
 
شكرا جزيلا مديرة
تحيتي
 

أقسام الرافدين

عودة
أعلى أسفل