قصيدة آه يهلال آه يهلال .. شهر المصايب آه يهلال .. شهـــر النوايب

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
آه يهلال .. شهر المصايب

آه يهلال .. شهـــر النوايب
1
آه يهلال الحزن بحــر الدمـــــــــع منك نِـبَع
تدري ياعين ابطلوعــك منهه دم أحمر طلع
يا گلـُـب ويّاك يهــلال الحزن تـــدري انفجع
گلـُب طه وحيـدر وجفـــــن الزچية الي دِمَع
آه يهلال .. عين الزچيه .. آه يهلال .. دمعه سريه
2
آه يهلال المصايـب والمتـــاعـــــب والمِحَن
بيك آهات الخلايـق يا هِــلال الهَــــــــم بدَن
بيك حزن الأنبيــــاء ابكـــل تفاصيل الشَجَن
حين آل المصطفـى غـادِروا أحضان الوطن
آه يهلال .. ويه الضعن روح .. آه يهلال .. خلتبدي لجروح
3
آه يهلال اويه طلتـك تمطـــــــر الدنيـه ظلام
تلبس اسوَد كل معاني البوح وحروف الكلام
والشمس تتوشّح ابلـون الدمه ابنحـر الإمام
والسلام ابلا شعور يصيـح عالرحمه السلام
آه يهلال .. ودموع الأيتام .. آه يهلال .. تبگه اويه ليّام
4
آه يهلال الغدر ياليــــــت ما يلفـــــي الصباح
بيك نيران الفشَـل تحــــرگ صواوين النجاح
بيك خير العمل يبچي لموت حيّ اعله الفلاح
بيك روس الخير والحگ ترتفع فوگ الرماح
آه يهلال .. خير البرايه .. آه يهلال .. صاروا ضحايه
5
آه يهلال الكَضو سبعيـن مطعــــــــون وذبيح
والزنيم اعله الجنـود الخيَم حِرگوهــه يصيح
والشمر بالسوط لمتون الحرايــــــــر يستبيح
والعليل امگيد وساعــــــة يگف ساعة يطيح
آه يهلال .. امن چفوفه لحبال .. آه يهـلال .. لچفوف الاطفال
6
آه يهلال الدمع في عيــــن فاطــــم من جره
دمع من دم علغريــب ابيـــوم گطعو منحره
تشوف زينبهــا سَـبـيّه وباليتـامـــه امحيّره
غير چفين ابو فاضـل بالتــــــــراب امعفـّره
آه يهلال .. زينب سبيه.. آه يهلال .. بالغاضريه
7
آه يهـلال اشنِشوف ابكــل صـــور هالفاجعه
زينب اتقبِّل اخوها وتدري گـَـــرَّب مصرعه
وم حزينه ويمهـا ابنهــا وبالـدموع اتودِّعه
وسكنه تنطر گمرهاشم يرجع امن المشرعه
آه يهلال .. سكنه ابألمهه.. آه يهلال .. محّد رحمهه
8
آه يهلال القهر مابيــن لوعـــــــات المصاب
لوعة ما صحّت مثلها ابكل مكان و كل كتاب
لوعة الطفل الرضيـع ابين أحضــان الرباب
منگطع نحره ابسهم ويلاه يهـــــلال العذاب
آه يهلال .. عطشان مذبوح .. آه يهلال .. بحضن امه مطروح
 
  • بادئ الموضوع
  • #2
جاذبية كربله اتفـــــــــوق الخيـال

طوف بيهه و عوف قانونـك هِـلال

شنهو نور الشمس يم هـذا الجمـال

نور دم احسيـن تحريــــــــر النفس

يوم عاشر عوف طوفك عالشمـس
 
  • بادئ الموضوع
  • #3
نور خالــد بالخلـــــــــــــود الازلي

من مُحمـد إمتــــــــــداده الحد علي

ومن حَسن لحسين شع نوره الجلي

و انتفض ضد الجهَــــل أعظم درس

يوم عاشر عوف طوفك عالشمــس
 
  • بادئ الموضوع
  • #5
عظم الله لكم الأجر


عظم الله لنا ولكم الاجر

درس للإنسان يشــــرح كل صعب

يختصر للتايهه اطويــــــــل الدرب

و الحياة اتعود للميّــــــــــــت گلُب

و الوطن للبلوطن غربة يحِــــــس

يوم عاشر عوف طوفــك عالشمس
 

أقسام الرافدين

عودة
أعلى أسفل