توقعات الابراج اليوم الجمعة 14 فبراير 2020 منيب الشيخ

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
توقعات برج الحمل اليوم الجمعة 14 فبراير 2020 منيب الشيخ

الحمل ♈

عندك اخبار مالية وعاطفية بتدعمك ..
اطمن يوم افضل بكتير وفي تغيير لصالحك وحظوظ بتدعمك بالمال والعلاقات يلي بتتحسن وحتى عائليا افضل الوضع وحتى بكون في مال من شراكة او ميراث وقصة صحية بتتحرك باتجاه شفاء الك ..
عاطفيا .. عم تكون افضل وتعيش اجواء رومنسية بيوم جيد نسبيا فيك تصالح الشريك او تحل المشاكل وتحصل على هدية ..

توقعات برج الثور اليوم الجمعة 14 فبراير 2020 منيب الشيخ

الثور ♉

عم تتوتر اوضاعك وانتبه من اي غلط ..
ماعم تكون بافضل حال وفي اشخاص عم تحاول تستفزك بهاد اليوم فانتبه مع عيلتك ومع المحيطين فيك وعم تلتقي بأشخاص بوجهين وانت بدك بس يهدى وضعك وفيك كمان بهاليوم تتم عقد بس انتبه ..
عاطفيا .. يبدو انو اي كلمة ممكن تنهي علاقتك فهدي وانتبه ويوم بيحمل مضايقات من الشريك ..


توقعات برج الجوزاء اليوم الجمعة 14 فبراير 2020 منيب الشيخ

الجوزاء ♊

في احساس بالتعب ورتب امورك هاليوم ..
عندك يوم طويل وحافل مشان هيك لازم تعرف كيف تنظمو وتتثرف صح وبتنجح اذا كنت منظم وخلصت كل شي بوقتو وانتبه عائليا وصحيا هاليوم وحاول تنتبه كمان لاكلك واتبع نظام غذائي ..
عاطفيا .. عم يكون في عندك حضور حلو الك عم تكون جذاب وماعم تعرتعرفف تختار ولازم الشريك يبادر ويهتم ..

توقعات برج السرطان اليوم الجمعة 14 فبراير 2020 منيب الشيخ

السرطان ♋

اجواء حلوة وهدايا وحظ ..
من الايام الجيدة عندك بالحب وبتلاقي حالك بوضع جيد وبتسمع اخبار بتفرحك وبتلتقي باشخاص غالية عليك وعم تحل قصص بتخص طفل او انجاب وحتى الوضع العائلي كتير بكون افضل ويمكن يجيك مال ..
عاطفيا .. يومك مميز عم ترجع علاقة قديمة ممكن غير انم بتكون جذاب وبتحصل على رومنسية وهدية بيومك ..

توقعات برج الاسد اليوم الجمعة 14 فبراير 2020 منيب الشيخ

الأسد ♌

وضع زاعجك بالبيت ولاتنفعل ..
ماعم تكون كتير راضي عن وضعك بالبيت وحتى اهلك شاغلينك كمان فخليك رايق وتعامل بحكمة واعتني بأهلك وبحالك صحيا وممكن بيع عقار شاغلك فانتبه وهدي وفكر كيف تحسن الاجواء وتغير وضعك ..
عاطفيا .. يبدو مو عبعضك وماعم تكون راضي تماما وفي احساس جواتك بالأهمال بس لاتخاف وافتح قلبك ..

توقعات برج العذراء اليوم الجمعة 14 فبراير 2020 منيب الشيخ

العذراء ♍

من الايام الجيدة يلي فيها اتصالات ولقاءات ..
عندك لقاءات حلوة وبتقدر تتواصل مع كتير من الناس وتثبت حالك بهيك يوم لكن في قصة بتخص حدا من عيلتك شاغلتك وفي امور بتخص اتصالات او عالنت وكمان في نجاح بيومك وانتبه من الحوادث..
عاطفيا .. عندك حضور مميز ةعم تقدر تصل لقلوب الكل ومن الأيام الحلوة يلي اذا حبيت تشوف فيها الشريك ..


توقعات برج الميزان اليوم الجمعة 14 فبراير 2020 منيب الشيخ

الميزان ♎

عندك امور مالية ومهنية وعلاقات عندك ..
انت بيوم عم تكون فيه قدام التزامات مالية كتير ويمكن عم تفكر بقصة عزيمة مع صديق او بدك تبدا شغل جديد لكن عم تحس انو في ناس بدها تنصب عليك فانتبه وضبلي ايدك وفكر كيف تحسن وضعك ..
عاطفيا .. عندك فترة حلوة بالعاطفة فتصرف بهدوء وانت عم تبحث عن استقرار بهالفترة ويمكن تشتري هدية او تجيك هدية ..

توقعات برج العقرب اليوم الجمعة 14 فبراير 2020 منيب الشيخ

العقرب ♏

عندك هاليوم قصص عائلية وحلول لمشاكل ..
من الايام الجيدة عندك يلي وخاصة اذا بدك تغير بوضعك وتكون عم تحسم امور عائلية وتجتمع باهلك وتطمن على قصة كانت شاغلتك وانت رح تتجاوز الفترة الماضية وتنجح كمان وتبلش تفرج عليك بهاليوم ..
عاطفيا .. عم يكون في نظرات اعجاب نحوك كتير ممكن تبدا حب جديد وتغير وضعك ..

توقعات برج القوس اليوم الجمعة 14 فبراير 2020 منيب الشيخ

القوس ♐

عم تحس بوحدة ويمكن تجيك علاقة سرية ..
حاول بهاليوم تكون منتبه بعلاقتك مع اخ الك ومن الحوادث وبالمجمل في علاقات جيدة بتكون بس تعرف تستغلها وتبعد عن كلام الناس وخليك بعيد عن الأعمال الضرورية لان يوم في تأجيل وانتبه صحيا ..
عاطفيا .. ماعم تعرف ليش ماعم يفهمك الشريك وعم تعاني من العلاقة وعم تسمع حكي بخليك مدايق ..

توقعات برج الجدي اليوم الجمعة 14 فبراير 2020 منيب الشيخ

الجدي ♑

عم تتحسن الاجواء العامة وعندك زيارة هاليوم ..
من الايام يلي فيها اجواء اجتماعية وزيارات ولقاءات مع ناس كتير وعم تكون ملفت لحضورك وعم تعتمد على شخص لحل موضوع شاغلك ولقاءاتك عم تكون مثمرة وحتى فيك تطلب مال من حدا وتتلبى ..
عاطفيا .. يوم ايجابي وممكن صداقة تاخد تصير حب عندك ونظرات الاعجاب موجهة عليك ..


توقعات برج الدلو اليوم الجمعة 14 فبراير 2020 منيب الشيخ

الدلو ♒

يوم في حكي عندك ولازم تنتبه ..
عم تكون بهاليوم محور اهتمام البعض ويمكن في ناس عم تحاول تشوه سمعتك فانتبه وحاول تستغل يومك بعلاقات مهمة وشهرة عند البعض وكمان لازم تنتبه التعامل مع المسؤولين وخليك دبلماسي لتنجح ..
عاطفيا .. مو عبعضك وشوي بتحس بتوتر مع الشريك لكن هي حالة مؤقتة بس خليك رايق وبعد عن الاستفزاز ..

توقعات برج الحوت اليوم الجمعة 14 فبراير 2020 منيب الشيخ

الحوت ♓

في علاقات جديدة واجواء ايجابية عندك ..
عم تقدر هاليوم تعمل علاقات جديدة وتنجح باكتر من مجال ويكون الك طاقة افضل وحتى ممكن يكون في سفر او عم تتلقى اتصالات بعيدة او من ناس غريبة عنك واطمن يوم جيد لكن انتبه من الحوادث ..
عاطفيا .. بدي منك تفكر بشخص يستاهلك ولازم تحسم خياراتك بعلاقتك بالشريك وفي شخص عم تتعرف عليه عن جديد ..
 

أقسام الرافدين

عودة
أعلى أسفل