ابراج اليوم الاثنين 02 مارس 2020 ماغي فرح
توقعات برج الحمل اليوم الاثنين 02 مارس 2020 ماغي فرح
الحمل ♈
مهنياً:القمر بالجوزاء الي عم يحسن من امورك وصحتك.أختبار مهم ناطرك هالفترة علاقات أجتماعية ومهنية مميزة عم يحملك طاقة وتنقل ولقاءات واتصالات كتيرة وبعيدة وسفر قصير او مشوار او قصة عقار .. حاول قدر الامكان انو يكون تعاملك مرن وبليونة مع زملاء او ناس الي عم تشوفها بشكل يومي وامورك فيها تحسن طفيف بالأخص بشغلك ..
عاطفياً:برغم القلق وتناقض وخيارات متعددة بأوضاعك العاطفية وأوضاع أخرى ألا انك اليوم امام فرصة لتحسم امورك وتحل مشاكلك ويكون عندك نظرة مستقبلية بوضعك بيبقى نخفف شوية من المزاجية وتقلب والعصبية لتكون امورك تمام ...
صحياً: بينصحك تغير من نفسيتك وتعطي حالك طاقة ايجابية وتغير جو بلمة حلوة مع ناس بتحبا..
غنيتك اليوم:صابر وراضي...جورج وسوف.
توقعات برج الثور اليوم الاثنين 02 مارس 2020 ماغي فرح
الثور ♉
مهنياً:وقت يكون القمر ببرج الجوزاء الفلك بدور ببيت المال عندك ..رغم توتر الحاصل والوضع العائلي ونفسي متعبك كتير مهم هاليوم انك تستغل الأحداث او الفرص الي ممكن تحصل عليها عيد حساباتك منيح وبالاخص المالية لانو يومك بيحكي عن صرف مالي وبنفس الوقت ممكن تحصل على مال حاول تنسق امورك وممكن قصة تعود ع الواجه او أتفاق عمل وشغل او محاكم وقضاء وحركة اوراق رح تكتر واتصالات مهمة عندك ..
عاطفياً:بحاجة يومك لهدوء وتفاهمات ولازم ترجع تعيد حساباتك العاطفية بلاخص اذا متزوج او الشريك ماعم ينتبه لكلامو وهاشي عم يزعجك .. نتبه من قصص او امور شخصية ممكن ترجع او تصير بهاليوم تعملك سوء تفاهم لا تخلي لافكار السوداء تسيطر عليك .. امورك بتنحل لا تكون عنيد ومتشبث وحافظ على الاستقرار بعاطفتك ونتبه من بعض العلاقات العابرة الي مارح تجيب نتيجة ...
صحياً:العصبية سبب الوعكات كتيرة نتبه له شي حتى ماتسبب الك مشاكل نفسية وجلدية لا ترد على كلام ناس ونتبه من التشنجات العصبية .
غنيتك اليوم:الدهب ياحبيبي...جورج وسوف
توقعات برج الجوزاء اليوم الاثنين 02 مارس 2020 ماغي فرح
الجوزاء ♊
مهنياً:القمر ببرجك يوم داعم بالحظ وطاقة والمال وحلول وهدوء عائلي .. بعد ركود وايام مزعجة وتوتر الاوضاع عم تتحسن امورك وطاقتك عم ترتفع وحابب تعمل كلشي لقاءات ورفقات ولمة حلوة وبيحكي هاليوم عن فرصة او اتصال مهم على صعيد المهني قادمة الك أستغل هاشي لصالحك لتغير من وضعك نحو الافضل وفرصة سفر قصير او مشوار وعزيمة ..
عاطفياً:جاذبيتك عالية وحليان عاطفي ورومنسي بس الشريك يبدو ماعم يقدر هاشي او طاقتك العاطفية عم يكون فيها أندفاع أكتر بلاخص اليوم في شغف عاطفي ومشاعر حميمية .. امورك بتتحسن أستغل عاطفتك وجاذبيتك لتجذب الشريك الك .. وبنفس الوقت مابدي ياك تتخلى عن افكارك او رأي عم تطرحو وخفف من صوتك بهاليوم ولا تنزعه بنقاشات الحادة يومك حلو أستغلو لصالحك ولاعزب فرصة كمان الارتباط او لتلاقي الأعجاب فيك من الجنس الأخر ..
صحياً:ريح جسمك وذهنك لانك بحاجة كتير تقعد بينك وبين حالك وتصفي بالك وتبعد عن المشاكل..
غنيتك اليوم:انت غيرهم...جورج وسوف..
توقعات برج السرطان اليوم الاثنين 02 مارس 2020 ماغي فرح
السرطان ♋
مهنياً:القمر ببرج الجوزاء قصص فيها تأجيل او تأخير ويومك اجتماعي .. عم تكون مضغوط وكذا قصة بتشغلك وبتحس كلشي عم يجي مع بعضو وقصص طارئة .. بينصحك تبقى هادي ورايق مع زيادة بالمجهود لتخلص شغلك على بكير لا تتسرع بشي وفكر بأيجابية قدامك فرصة لتحسن وضعك العائلي والمهني واتصالات ممكن تحقق مال قريباً بشوية هدوء وصبر ونشالله امورك بتكون افضل ركز جهودك بأمور عائلية بالمة وسهرة ومصالحات ..
عاطفياً: علاقتك متوترة وتصرفات شريك عم تزعجك الوضع مانو سيء اذا تعاملت برواق وطنشت وماكبرت بعض الامور لان هاشي ممكن يسبب زعل اذا ما تجاهلت .. في مزاجية بدك تعرف تتعامل معا لتحسن وضعك وتتجاوز هاليومين و بينصحك تغير جو مع الشريك وتساير وتستغل الفترة القادمة عندك لتحسن الوضع والفرصة قدامك ..
صحياً:طاقتك عالية استغل هاشي لتعمل شي جديد يقتل الوقت وروتين .. الرياضة افضل علاج لجسمك ونفسيتك ...
غنيتك اليوم:سلف ودين...جورج وسوف
توقعات برج الاسد اليوم الاثنين 02 مارس 2020 ماغي فرح
الأسد ♌
مهنياً:القمر ببرج الجوزاء يوم مساعد الك لتغييرات ولتسعى لمكان جديد واختبار ومال ممكن .. بيحملك هاليوم طاقة وكاريزمة حلوة وعلاقات متعددة وزملاء حولك وعزايم ولقاءات اجتماعية وعم تلتقي برفقات الك زمان ماشفتهم وحاسس حالك افضل واستقرار نوعاً ما وحمل بينزاح عن ضهرك هالفترة وبترتاح نفسياً واذا بحاجة مساعدة لا تتردد ..
عاطفياً:جاذبيتك اليوم عم تخلي بعض العلاقات من حولك تتطور لاعجاب وبلاخص صداقات وبتحمل امور ايجابية على مر الايام .. والمرتبط حاول لا تخلي شريك يتجاوز حدوده ولا يتمادى بتصرفاته وبكلامو لأن أحياناً عم يستغل طيبة قلبك وهاشي ممكن يسبب مشكلة بينك وبينو .. اتصالات وتواصل بس في مزاجية وتقلب وعصبية.. واذا عندك علاقة تانية امورك فيها افضل وشغف عاطفي ومشاعر حميمية ..
صحياً:حاول تعطي صحتك الوقت الكافي وكلشي بحسن من صحتك عملو وخلي بالك من بعض الأخطاء ولا تهمل شي ..
غنيتك اليوم:كلامك ياحبيبي...جورج وسوف.
توقعات برج العذراء اليوم الاثنين 02 مارس 2020 ماغي فرح
العذراء ♍
مهنياً:القمر ببرج الجوزاء بيحكي عن قصص مهنية وناس كتيرة وشهرة وسمعة ولقاء مهم .. عم تقنع وتغير من وجهات نظر عند البعض وعم تنتصر على الأعداء .. صح في مواضيع عم تشغلك بس كلو بينحل لا تخاف وهدي بيومك لتوصل وتنجح انت مقبل على أختبار او امتحان او مسابقة كتير ضروري انك تكون مركز بلاخص اذا في عندك امور قضائية وادارية ومعاملات ..
عاطفياً: بينصحك لا ضيع وقتك بعلاقات قديمة ومتعب وحافظ على علاقتك لتحصل على الأستقرار .. لازم تستغل الوضع وتكون سريع وتتجاوب مع تطورات بوضعك حتى ماتكبر القصة ونتبه على نفسيتك لان ممكن علاقتك عم تكون متأرجحة ومتقلبة الأوضاع والمزاج .. فرصة لحدا يتقرب منك بهاليوم او شريك يعود وتشوفو او عم تقضي وقت برفقة الشريك ..
صحياً:ممكن تعاني بعض الألتهابات وكريب وسيلان بلأنف والبعض صار لازم تحط حد لزيادة الوزن وتنتبه لنوعية طعامك ..
غنيتك اليوم:بستنى باليوم واليومين...جورج
توقعات برج الميزان اليوم الاثنين 02 مارس 2020 ماغي فرح
الميزان ♎
مهنياً:القمر ببرج الجوزاء الصديق حظ وطاقة وتغيرات بوضعك .. اجواء حلوة وسفر ولمة وعزيمة .. من الايام الي عم تكون منيحة برغم من انك بدك تبذل جهد بس لا تخاف كلو لصالحك بلاخص اذا عندك اختبارات هالفترة اتصالات ولقاءات مهمة او مفاوضات وفرصة مهنية ومالية وشخص بساعدك وبوقف حدك وممكن قصة عقار او اذا مفكر تشتري او تبيع .. تطورات دراسية ونجاح وبداية جديدة بيومك وعلم جديد ..
عاطفياً:جذاب وحليان وطريقتك بتخليك تحصل على شي لبدك ياه أستغل هاشي اليوم لتعزز علاقتك وتحسن وضعك العاطفي خليك واثق بحالك وبقدرتك على انك تكون مقنع وتعرف كيف تكسب قلب الشريك ويكون معك .. البعض مو راضي عن الوضع عم يحس بحجز لحريتو وهاشي بخلي اخلاقك ديقة وممكن البعض يميل لعلاقات متعددة وتغيير نوعي عاطفي ..
صحياً:بعدا امورك الصحية غير مستقرة فترة قصيرة وبترتاح المهم اليوم تحافظ على صحتك ولا تطلع بهالجو لان البعض معرض لوعكة صحية ومشاكل فقرات وصداع ..
غنيتك اليوم:خدني الحنين...جورج وسوف
توقعات برج العقرب اليوم الاثنين 02 مارس 2020 ماغي فرح
العقرب ♏
مهنياً:القمر ببرج الجوزاء عم يدور بقصص مالية وصرف وحتى بيحملك حلول لمشاكل ادارية وقانونية اذا موجودة عندك ضب ايدك على مصاريفك في تسديد لألتزامات وأقساط وديون وفرصة قبض .. من الايام الي عم تساعدك تدخل او تهتم بقضية او عقد شراكة الحظ بوقف معك من اليوم وطاقتك بترجعلك عم تبدي تعاون مع المحيط فيك وبتلاقي حل لعدة مشاكل عندك بلاخص اذا تعلق الامر بعقار وتصليحات او تجهيز ..
عاطفياً:برغم توتر الحاصل بيدعيك الى عدم الأهمال وتقرب وحط نقاط على الحروف بوضعك.
عندك عاطفة وفي شوق ومحتاج لترجع الوضع متل ماكان .. المتزوج يحاول يهدي من الوضع بهاليوم ولا تعمل مشاكل على الاقل لتبقى مسيطر على الوضع ولا تخلي يطور أكتر والمرتبط الغير متزوج والاعزب اموره افضل وتطورات ايجابية عاطفية ولقاءات واجواء حلوة ..
صحياً:بحاجة لأخصائي تغذية لتلاقي الحل لزيادة الوزن المتصاعد او اذا عم تعاني تفخة بالبطن ..
غنيتك اليوم:بتعتبني على كلمة...جورج وسوف
توقعات برج القوس اليوم الاثنين 02 مارس 2020 ماغي فرح
القوس ♐
مهنياً:القمر ببرج الجوزاء بتحس حالك مافي شي عم يريحك وماحدا عم يفهم عليك والخطوة الأخيرة عم تكون ناقصة عم تتعب اليوم وضغط عم يولد انفعال وعصبية وكل مابتقول قربنا نرتاح الامور عم تصعب عليك مابدي هاشي يأثر على نفسيتك ومابيخلى الامر من حلول لقضية تعبتك او حدث مهم ناطرو.. تعبك مابروح ع الفاضي لانو في وعود بشي جيد لك قريباً مكان جديد او منصب او مكافئة او شراكة جديدة ..
عاطفياً:بعض العلاقات بتتحول لاعجاب وحب وشراكة جديدة عندك عم تكون متفهم للوضع و جاذبية بتزيد قادر تلاقي حلول لوضعك وتمكن علاقتك بلاخص المرتبط .. المتزوج نتبه ماتعمل مشاكل وتكون عصبي وسريع الانفعال لنتجاوز هاليومين على خير ..
صحياً:لا تشتغل شي من راسك بما يخص صحة وخليك على تواصل مع طبيب او أخصائي ..
غنيتك اليوم:يلي جمالك نوع تاني...جورج
توقعات برج الجدي اليوم الاثنين 02 مارس 2020 ماغي فرح
الجدي ♑
مهنياً:القمر ببرج الجوزاء امورك مانها سيئة وصح في ضغوط ومسؤوليات كتيرة بشغلك وبالعيلة وماحدا عم يقدر وضعك بس الأمور محتاج لشوية ترتيب وتنظيم لتقدر تلحق وتخلص مواعيدك وشغلك .. نقاشات كتيرة ومقترحات واتفاقيات .. عندك فرصة لتوصل وتنجح وتحقق مكاسب هالفترة .. الحظ بساعدك نوعاً ما وبيعطيك ثقة بنفسك وتكون مقنع والبعض ممكن يقبض بس صرف عم يكون اكبر ..
عاطفياً:تحسن عاطفي عندك بس مابدي تعطي الامور تانية وقت اكتر شريك عم يبلش ينزعج من هالقصص وعم يحس بلاهمال والوحدة حاول تكون مندفع نحو الشريك وصارحه بحقيقة مشاعرك وخلي كلامك حلو وهتم في حتى مايحس ببرودة تجاهك وحتى ماتتعرض للعتب ولوم .. والبعض عندو علاقات متعددة واتصالات بتكتر مع جنس الاخر وحب قديم عم يتقرب اكتر ..
صحياً:نتبه على صحتك ولا تخلي ضغوط وتشائم سبب لوعكة صحية ولازم تبلش بحمية او اذا مبلش حاول تلتزم ..
غنيتك اليوم:حنينك حنيني...جورج وسوف
توقعات برج الدلو اليوم الاثنين 02 مارس 2020 ماغي فرح
الدلو ♒
مهنياً:القمر بالجوزاء الصديق فرصة مهمة بشغلك وتتخلص من مشاكل وتوترات بشغلك وبالعيلة ومن بعض العلاقات المتعبة انت افضل بهاليوم بعد فترة كتير تعبت فيا وكان عندك كركبة وفوضى .. مدعوم بطاقة وحظ وممكن تتلقى خبر حلو بخص شغلك هاليومين يمكن بخص امور اداري او مالي وفرصة قبض كمان للبعض .. وقصة بتخص الاطفال او الانجاب بتشغلك ..
عاطفياً:حب جديد وعلاقات قديمة ومغامرات. يوم داعم الك عاطفياً لتتطلع من تعبك وتدخل بشي جديد وليكون عندك مصالحات ونقاشات ولتحط حد لبعض الامور بحياتك وتطلع من روتينك وتفتح قلبك . وممكن ترجع بعض العلاقات سواء صداقة او عاطفية ولقاء واتصال وبتحس رغم قلبك تعبان في امل جديد ونقاش حلو ناطرك .. واذا علاقتك متوتر حاول تتجنب العصبية و فرصة لتلاقي حلول .. يمكن البعض في بقلبو حنين لشخص كان يفهم عليه كتير بادر وصارح بحقيقة مشاعرك.
صحياً:حاول تتقبل لنصائح ولا تتجاهل شي بيومك في ناس بتحبك وبدا مصلحتك تذكر هاشي ..
غنيتك اليوم:خسرت كل ناس على شانك..جورج
توقعات برج الحوت اليوم الاثنين 02 مارس 2020 ماغي فرح
الحوت ♓
مهنياً:القمر ببرج الجوزاء مزاجي وعصبي ومانك متحمل حدا وامور بالبيت عم تعبك .. قصة وازعاج بهاليوم وانت مدايق من محيطك ومانك قادر تلاقي حل .. لاجواء عم تخليك منرفز وعصبي وممكن تعمل مشكلة من اي كلمة ..حيرة بيومك وقصة عم ترجع ع الواجهة بدك تلاقيلها حل بأسرع وقت لترتاح حتى عم يشغلك وضع شغلك وبيتك وسكن وحدا من اهلك ..
عاطفياً:نتبه على علاقتك وساير شوي ومابتخسر شي اذا تنازلت شوي لتحافظ على وضعك طبعاً اذا شريك بيستاهل .. بينصحك لا دخل الامور بعضها واذا عندك شريك لاقي حل سريع للقصة او لتوتر الحاصل كون مرن مع الشريك مابدي ياك تخسرو مشان امور مو مستاهلة ويمكن كل واحد ناطر تاني ليقدم على المبادرة .. ممكن يصير لقاء او اتصال لتتفاهمو على بعض نقاط وتبتعدو عن توترات والاجواء المشحونة بس خليك رايق وتفهم الوضع ..
صحياً:حاول تحرك حالك بستمرار ولا تبقى جالس او واقف لفترة طويلة بلاخص اذا شغلك بيطلبك منك هاشي نتبه لمشاكل المفاصل ويمكن وضع صحي متعبك ..
غنيتك اليوم:انت فاكر...جورج وسوف
