قارورة وفه
جنني هواك من حيث لا ادري
عليك بكل وكت تسألني هاي الروح
تنادي بإسمك وحسرات مليانه
يهز ذكراك عقلي ويعصر العينين
وتنگط على خدودي دموع خجلانه
ولأن ماشوف عينك مابقتلي عيون
ماتت من كثر ما إلك ضميانه
من يوم بعدت ماطب فرح للبيت
ومن كثر الحزن فطرت حيطانه
تفوت الدنيا على گاعك تنتظر ساعات
تناشدها وتلاگي الگاع حيرانه
شتجاوب عليها وهي الك تشتاگ
تگول بلهفه اناطر جيت احضانه
اذا گاعك تحن بگليبي اني شلون
شما احاول اسكته يثور بركانه
عليك الجار يسأل..ربعك يسألون
ودربنا من السؤال انصاب بلسانه
اهنانه شگد گعدنا هناك عدنا اسرار
والضحكه الطويله تناغي بشفانه
چنت ساعه تغيب واني احسهه شهور
ومن ترجع اشوف الدنيا فرحانه
عليّ طالت الغيبه وصار خمس سنين
مشتاگ عله شوفك حتى ملگانه
وعلى شفافي بغيابك ماتمر بسمات
لأن خط الحزن فوگاهه ألحانه
اجه جيش الملل واحتل خلگ تعبان
وبنا بيه القواعد ثبت أركانه
واجت غيمت يأس خيمت فوگ البال
وشمس الأمل عندي اليوم ذبلانه
انهدم حيلي بعد ميقاوم الآهات
وضعف عندي الصبر واتهدم إيمانه
انا خايف تجي وما تعرفني اني ايوه
لأن وجهي بغيابك بَدّل ألوانه
تنادي بإسمك وحسرات مليانه
يهز ذكراك عقلي ويعصر العينين
وتنگط على خدودي دموع خجلانه
ولأن ماشوف عينك مابقتلي عيون
ماتت من كثر ما إلك ضميانه
من يوم بعدت ماطب فرح للبيت
ومن كثر الحزن فطرت حيطانه
تفوت الدنيا على گاعك تنتظر ساعات
تناشدها وتلاگي الگاع حيرانه
شتجاوب عليها وهي الك تشتاگ
تگول بلهفه اناطر جيت احضانه
اذا گاعك تحن بگليبي اني شلون
شما احاول اسكته يثور بركانه
عليك الجار يسأل..ربعك يسألون
ودربنا من السؤال انصاب بلسانه
اهنانه شگد گعدنا هناك عدنا اسرار
والضحكه الطويله تناغي بشفانه
چنت ساعه تغيب واني احسهه شهور
ومن ترجع اشوف الدنيا فرحانه
عليّ طالت الغيبه وصار خمس سنين
مشتاگ عله شوفك حتى ملگانه
وعلى شفافي بغيابك ماتمر بسمات
لأن خط الحزن فوگاهه ألحانه
اجه جيش الملل واحتل خلگ تعبان
وبنا بيه القواعد ثبت أركانه
واجت غيمت يأس خيمت فوگ البال
وشمس الأمل عندي اليوم ذبلانه
انهدم حيلي بعد ميقاوم الآهات
وضعف عندي الصبر واتهدم إيمانه
انا خايف تجي وما تعرفني اني ايوه
لأن وجهي بغيابك بَدّل ألوانه
