الهوى المابيه عطركم زحمه أشمنّه.
وتاني امفرفح عل الباب واتمنى.
وسگمّلك گلب تسگام حايوچات
ونّه تعاتب ابونّه.
واحضرلك اچفوفي
الچرغدن بزنودك الترفات
يمدلل
،وادوف بخاطري الحنه.
ورش شجرة هوانه
اليبست من سنين
ذيچ الچانت اتلمنه.
ووهسّهن
واگلهن ياشفافي الغيث
راح يندّي گطرة شوگ
من ندّاوة الجنه.
يواهس مشتهاتي ارجوچ
ردّي وخل اعيش وياچ
طيش اصباي أردّنه.
يظلي وياحلم دنياي
ذاك الما اريد بيوم افز منّه.
....
قلمي
ضياءالصافي
