عيني او غمّضِتها اوياك
بلچن و اب حلم متروك
نلگه اعيون ملتمّه..
بلچن تشتهينا الريح
تجمعنا اب فرِد چلمه
يل دربك بعيد اهواي
او حيل امعتِّم او ظلمه
ليش اهلالك ابلا صوت
و الدمعه اعلى خد نجمه
هاك او شوفني ابلا روح
روحي اهناك
يم اهلالك المذبوح
تبچي ابلا دمع يمّه
ما مَدّت حزنها اتخاف
دمعها ايطخّه و ايلِچمه
چن زيج الدرُب من طال
بيت او ما حِضَن دُگمه
گلبي ظَل يعيش اوياك
يبني البيت ..
و المفتاح .. مِنّ الطيف يستلمه
ظَل اب حسرة الفلاح
يحصد عنبر اب كل عين
بس ما يگدر ايشمّه..
دمعي او شِعري نفس اللون
مو كلّش صعُب رسمه
أكتِب شِعري و أحرِگ بي
او دمع اعيوني يتحمّه..
# بقلمي
بلچن و اب حلم متروك
نلگه اعيون ملتمّه..
بلچن تشتهينا الريح
تجمعنا اب فرِد چلمه
يل دربك بعيد اهواي
او حيل امعتِّم او ظلمه
ليش اهلالك ابلا صوت
و الدمعه اعلى خد نجمه
هاك او شوفني ابلا روح
روحي اهناك
يم اهلالك المذبوح
تبچي ابلا دمع يمّه
ما مَدّت حزنها اتخاف
دمعها ايطخّه و ايلِچمه
چن زيج الدرُب من طال
بيت او ما حِضَن دُگمه
گلبي ظَل يعيش اوياك
يبني البيت ..
و المفتاح .. مِنّ الطيف يستلمه
ظَل اب حسرة الفلاح
يحصد عنبر اب كل عين
بس ما يگدر ايشمّه..
دمعي او شِعري نفس اللون
مو كلّش صعُب رسمه
أكتِب شِعري و أحرِگ بي
او دمع اعيوني يتحمّه..
# بقلمي
