قارورة وفه
جنني هواك من حيث لا ادري
عليمن تحب وتشتاك
وتسهر ليلك والفكر متعوب
عليمن تذرف ادموع
وأنته بلا بخت
ولا دفو محبوب
ترجف مراجف من يمر اسمه
وتشهك شهكت المحتام
لو جاك مكتوب
تلملم ذيج الليالي وتتوسد حلم
وتنشد النجمات بلايه واهس
والقلب ايلوب
وين ضيع الكمر امرايته
وليش من دون الخلق انه
اتورط وأدك بوب
عندي احساس يخجل الورد
ومشاعر اتفيض جياشه
وبس أنته ذنبي
ماعندي اذنوب
جم مرة احلفت بابك ما أمره
وشكثر لروحي لويت اذنها
بس منك ما تتوب
علمها يرحم اهلك
علمها الصلافة وموت الذات
علمها تعذب اقلوب
أخ يا واهس العشرين
أتعده وجنه ماله عرف وياي
وأنه الي فزعتله
من جان مصلوب
احجيها وياك وبلا زعل
رد لو بالجذب تطلب ماي
رد يلمشيت بكل الدروب
ولك يصرخني الليل
يريد اينام
وانه السهرته لوكت الغروب
جم كمرية غفت
وظلت شمسنه تتختل
ماخذها المستحه فد نوب
تحط نكطة مسج
جوه نهدها
والخصر متضرع يدعي
هلبت بي المشتهه يذوب
تتلاعب لعب بلوية المحزم
وانه وكل اعيوني
نكعد صفنه بالمكلوب
بلجن يبين الغرنوك
ونباوع بكل فتحات العيون
كون يتوب
بطل توب ولاترد
تنكط العسل بكل ظماي
أظل عطشانك وما اتوب
وتسهر ليلك والفكر متعوب
عليمن تذرف ادموع
وأنته بلا بخت
ولا دفو محبوب
ترجف مراجف من يمر اسمه
وتشهك شهكت المحتام
لو جاك مكتوب
تلملم ذيج الليالي وتتوسد حلم
وتنشد النجمات بلايه واهس
والقلب ايلوب
وين ضيع الكمر امرايته
وليش من دون الخلق انه
اتورط وأدك بوب
عندي احساس يخجل الورد
ومشاعر اتفيض جياشه
وبس أنته ذنبي
ماعندي اذنوب
جم مرة احلفت بابك ما أمره
وشكثر لروحي لويت اذنها
بس منك ما تتوب
علمها يرحم اهلك
علمها الصلافة وموت الذات
علمها تعذب اقلوب
أخ يا واهس العشرين
أتعده وجنه ماله عرف وياي
وأنه الي فزعتله
من جان مصلوب
احجيها وياك وبلا زعل
رد لو بالجذب تطلب ماي
رد يلمشيت بكل الدروب
ولك يصرخني الليل
يريد اينام
وانه السهرته لوكت الغروب
جم كمرية غفت
وظلت شمسنه تتختل
ماخذها المستحه فد نوب
تحط نكطة مسج
جوه نهدها
والخصر متضرع يدعي
هلبت بي المشتهه يذوب
تتلاعب لعب بلوية المحزم
وانه وكل اعيوني
نكعد صفنه بالمكلوب
بلجن يبين الغرنوك
ونباوع بكل فتحات العيون
كون يتوب
بطل توب ولاترد
تنكط العسل بكل ظماي
أظل عطشانك وما اتوب