______________
كلمات الاغنية
______________
اقبل اروح وياك لاخر الدنيا لو رحت
تدفني بحضنك لو متت
من شفتك بحبك طحت معرف شبيهه
اشرلي بيدك شوف تلقاني طلقه راح اجي
كل عقلي احبك مو حجي
لك مستعد ابجي بجي من اقوى نوعيه
وبعد بعد بعد ابعد اروح ابد ابد ما تهمني الجروح
واصير لك كل شي حلو للنجمه اوصلك بالعلو
عيشتي وموتي تضل وياك
اعيشك بعالم عشق
عالم خرافي ومو صدق لاخر ثواني بالعمر وياك
اول واخر حب بالعمر انته
ولا تظن اترك ادماني لهـ الحضن
نسيتني الهم والحزن الي قبل عشته
روحي عليك تموت مو سهله تنسحب
وتعرف كلامي مو جذب
بحياتي غيرك ما احب يالـ قلبي ذوبته
عليك عليك اموت اني عليك
اجيك اجيك ولو ع النار اجيك
اريدك بس تضل الي واشاركك مستقبلي
اتقاسم الحب والهوا وياك
قسمه واجتني من السما لك راح اعيشك بالهنا
حبيبي ما راح اختلف وياك
______________
اسم الاغنية : اقبل اروح وياك
كلمات : قصي عيسى
الحان : علي صابر
غناء : حسام الرسام