انشر اي دارمي ..ومضة ..زهيري .. ابوذية ..شعر يعجبك وعلى ذوقك

[زهرة العمر]

صب اللبن بالگاع من ظيم الوياه ..
ماوچد الماعون ضل عقله بهواه. ..

 

[زهرة العمر]

شيرجع عشكنا وكل ســهر الايام
لأيام العشــك يادنـــيا رجعــــوني
ماندمان أكــــلك بس احس بالروح
نار وبيـــة رايـــد بس تطفـــونـــي
واذا يرجــع بعــــد بية الزمان ردود
ما اخــــتار احــــبه ولا تخـــيروني
احبابي مشــــوا ومابقت بس آلام
اجت احلامي بيهم وهمه ماجوني

 

[ضياء الصافي]

مثل روج ال تلاطم هيچ..ماييت
روحي،وچن صفيحة ماي..ماييت
الوب وماصحت لحّد
اشوف هلال وانا أرمد
نحيل وصرت لجلك سد
نص تموز گمت ابرد
فراگك لعب بيه اشگد
طحت وانت بصلافة عين..ماييت
اريدك بس تنگط الماي اليه

قلمي
#ضياءالصافي

 

[ضياء الصافي]

غمضت عيني وداهم عيوني النوم
ضامي اعلى شوفك وانتظر طيفك ماي
#داعبني_طيفك والسوالف كلفات
مايگضن امثنيات چا هنه هواي
خل السوالف حيل شبعان احلام
جيب الشفايف خلهن بطرف اشفاي

قلمي
#ضياءالصافي

 

[العجوز]

رحت والشيب من بعدك براحاي
طلع وجفوفي بس تطحن براحاي
السنين ألي عشتها انــه براحاي
قحط واعجاف صارن هـــم عليه​

 

[العجوز]

يمتى تفيض يا شَط الفرح ، وتهزهز الدَم

وأشِمَّك زين من ريحة الگذلة لأخِر إلشَم

 

[غرام]

تعال ارجع بعد مابيه. حيل فراك

تعال وردلي احلامي لخذته وياك

تعال وشوف اشوف صبح ليل

وتعال وسمع الونات بليل اضلم

 

[غرام]

:
#وين ماخذ #راحتـي
ورايـح.تعال
#ياهو گال أبـراحتك
روح ورحـت
#أنـه گوه أتنفس
أبشهـگه هواك
#وطشرت ريـتي علـى أسمـك
من صحـت

 

[عبد الله العراقي]

من تجهب انته بطيف
وتگض اديـّه

يومين اضل خـدران
والرجفــه بيه

 

[غرام]

_

شلت ايدي من عندك بعد ،
سوي التريده مهَنة ،
اگعد ونام ويا الغرب !
ولساني اگصه وداعتك لو وّن عليك وغنه.