طول أغيابك دهر يالمهدي عندك خبر

[قارورة وفه]

طول أغيابك دهر يالمهدي عندك خبر
شيعتكم بمعضله من مشكله المشكله
***
يسيف الباري يا رمحه والمحتم
يثاره المرتجى للعتره والمحكم
الموالي واليتبعك والذي مهتم
يگول المهدي بغيابه جرعنه الهم
أظن وعده حصل مجمع نصابه وتم
لان بر وبحر فيضهه سيل الدم
بالدنيا ساد الفساد والطمع غر العباد
ودين الله صار بخطر يالمهدي عندك خبر
***
هاي امة محمد هاذي شكوتهه
يالغايب ألك مرفوعه دعوتهه
من دنيا دنيه سوده غايتهه
كل همهه تغير الشيعه رادتهه
وشيعتكم يبو صالح مصيبتهه
بغيابك تشب وتطفي جمرتهه
هذ الوكت لو حچه عن تضحيتهم بچه
نحچيلك أبمختصر يالمهدي عندك خبر
***
شيعتكم تضحي والأمر واجب
وهل واجب مقدس يرهب الراهب
عنوانه الشهاده بدفتر الطالب
وشوف العين ما يعله على الحاجب
بعاتقهم فريضه أصبح تواظب
بدعاء الندبه تقره وتندب الغايب
تشكيله صورة وضع فجرت مسيل الدمع
الباطل علينه انتشر يالمهدي عندك خبر
***
صورتنه صور بيهه بزمن منعوت
وألوان الرسم متجسمه بطاغوت
حاقد ضلمه گطع من گلبنه أبتوت
لان اسمك على أبتوت الگلب منحوت
وهاي الصوره يالمهدي بقة للموت
نصدليهه بمدامعنه ونصيح بصوت
الماضي والحاضر ضلم صوره من حكم الحكم
ما تنمحي هل الصور يالمهدي عندك خبر
***
ثار الشيعه صوره ترجع الثارات
بيت الله وأهل بيت النبي الآيات
ثار المهدي ثار ينكس الرايات
الرفعتهه الطغاة وفرحت الشامات
يعني أهل الغدر ولي خسيس الذات
ولي گالوا حسين بعهدهم مات
حسين انتصر ياعبيد ونطوة راية يزيد
بكربله هذا الأثر يالمهدي عندك خبر
***
صورة بكربله يالمهدي معروفه
تناديك العجل والحاله موصوفه
على ثارك توزمك وأنت متعوفه
وتخبرك كربله والدمعه مذروفه
عن زينب واخوهه وأهله وطفوفه
وأبو فاضل تخبرك طاحن اچفوفه
وتخبرك أعلل ضعن متغرب اليا وطن
يجرع مرار السفر يالمهدي عندك خبر
***
هاني حماده البلداوي
1 \ ذوالحجحة \ 1437 ​

 

[سارة البابلية]

صح لسانك كلمات مميزه

 

[قارورة وفه]

 

[هدير الامواج]

طرح في غآية آلروعه
كروعة آختيآرك آلرآقي
آخترت وآبدعت في آلآختيآر
كل الشكر وكل التقدير لحضرتك
في آنتظآر جديدك
لك كل تحياتى وتقديرى و

​

 

[قارورة وفه]

 

[أمجد]

احسنت شاعرنا

 

[قارورة وفه]