• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.

طفله رقيه والحزن ماذيهه

الإهداءات
  • زهور من قلب الزهور🌹:
    اللهم صل على محمد وال محمد
    وعجل فرج مولانا صاحب العصر والزمان 💕
  • غزل من الغزل:
    لا تتسول وداً بارداً، ولا تسأل وصلاً متكلفاً، لا تنتظر مجيء من لا يجيء، كن متقدماً بعقلك متراجعاً بقلبك●.
  • غزل من قلب الغزل:
    لا تفسر كل شيء على حسب ظنونك وتوقعاتك، قد تُدرِك لاحقًا أن قياسك لها كان خاطِئ.✨
  • غزل من الغزل:
    لا يمكنك إيقاف الأمواج، ولكن يمكنك أن تتعلم السباحة ..‏هكذا هي الحياة .. أحياناً، لايمكنك التحكم فيما يحدث لك، ولكن يمكنك دوما التحكم بردود أفعالك…
قارورة وفه

قارورة وفه

جنني هواك من حيث لا ادري
2020-02-28
12,408
العراق
جوهرة
დ1,137
الجنس
ذكر
طفله رقيه والحزن ماذيهه
للشام راحت ياعلي ماسريهه
تمشي وي راس الوالي
هل ألطفله شدهت بالي
***
ياعلي من الشام زينب صاحت بدمع المصايب
گوم ياحاضر ألشده گوم ياليث الحرايب
شاهد بعينك رقيه شلون خلتهه النوايب
طفله تولاهه الدهر مشاهه بدروب الخطر
خلاهه بهموم وقهر طفله منهه الگلب ذايب
يابويه هل ألطفله اليتيمه بعبره
تنخاك تحضرهه يوالي ألعتره
والله أفجعت دللالي
هل ألطفله شدهت بالي
***
ياجرح يابويه أحچي وانه كثر أجروح بيه
ما اسولفلك أحولي والجره بالغاضريه
بس اسولفلك بدمعه حالت ألطفله رقيه
مرة مصايب عليهه يكسر الخاطر حچيهه
طفله ما تدري بوليهه بكربله طاح برزيه
معذوره هل ألطفله لون حزنانه
ما تدري چم راس ألمشه ويانه
وما تدري اشصار بحالي
هل ألطفله شدهت بالي
***
من بعد عز العلينه ومن بعد ذيچ المهابه
جروح عفنه بكربله والسبب تعرف أسبابه
مشينه وي ابن الدعيه المارعه حق القرابه
طول الدرب شتم وضرب متصور أباله حرب
تاليهه ببلاد الغرب بويه گعدنه بخرابه
مفجوعه والحاله اظن معروفه
لني برقيه تريد ابوهه تشوفه
ومنين أجيب الغالي
هل ألطفله شدهت بالي
***
طفله ماتعرف مصيبه بسهه تبچي تريد ابوهه
ما درت بسيوف أميه شلون جثته گطعوهه
ياعلي واليهد حيلي من تصيح ويسمعوهه
وينه ياعمه ولينه وين أبويه حسين وينه
ليش ما ينشد علينه هينه عدهم فارگونه
ليش الأهل عافونه ما بين الناس
ياعمه راحوا وين أهل النوماس
منهم گطعت أمالي
هل ألطفله شدهت بالي
***
هضمت ألطفله رقيه ما شفت منه هظيمه
گطعت سباح گلبي ولوت مني كل عزيمه
من بچت وتريد ابوهه واني بالشده ألعظيمه
مهظومه وبشده طحت وي صيحت ألطفله صحت
لن راس ابوهه بالطشت حضنته بلهفه اليتيمه
ماتت يبويه اعلل طشت مالومه
ومن شوفت الوالي أصبحت محرومه
هل ألصوره تتراوالي
هل ألطفله شدهت بالي
***
عهد ماننسه رقيه ألطفله اليتيمه الصابره
بالگلب تبقه يزينب نيران ألهه موجره
دمعت رقيه للأبد نذكرهه يازينب عهد
***
هاني حماده البلداوي
1/ صفر / 1433 ​
 
القائمة الجانبية للموقع
خرّيج وتبحث عن عمل؟
تعيينات العراق
هل أنت من عشاق السفر حول العالم؟
إكتشف أجمل الأماكن
هل أنت من عشاق التكنولوجيا؟
جديد التكنولوجيا
عودة
أعلى أسفل