خيل ونار ياكرار --- ياكرار خيل ونار

[قارورة وفه]

خيل ونار ياكرار --- ياكرار خيل ونار
سحكت زلم والرضعان --- حركت علم والصيوان
---------
يابا الحسن زينب تنادي الليله
وتحشمك تحضر تشوف العيله
اشون العدو خلت دماها تسيله
وبياوضع سكنه ورباب واليله
دمع ونوح يابا الحسن --- يابا الحسن دمع ونوح
ونفجع كلبي الحساس --- لمصاب حسين وعباس
دمهم ينزل ليل انهار
----------
من طاحوا اعلل غبره ياداحي الباب
عافوني خوتي محيره بين اجناب
دمعي يصب فوك الوجن دم سجاب
اوفوك المصايب والحزن شفت ارهاب
رمح وسيف يابا الحسن --- يابا الحسن رمح وسيف
اجساد اخوتي موذره --- دمهم يسيل اعلل ثره
والعيله صارت طشار
----------
ابطف كربله هذا الجره باهلي وصار
من هجمت اجيوش العدو بخيل ونار
سبعين الف شيردها يا حامي الجار
وبالحومه اخوتي مذبحه اصغار اكبار
والانصار يابا حسن ---يابا الحسن والانصار
يابويه صحت بحسره --- احضر عليك الزهره
اوشوف السده علينه وصار
-----------
عافوني يابويه وحيده وي اطفال
عكب المهابه والخدر بين انذال
رحت باسر ماظن يسرك هل الحال
وبس العليل الي يحامي العيال
ابجي واون يابا الحسن --- يابا الحسن ابجي واون
عن كربله بعدني --- ادروب الخطر مشوني
ومشبوحه اعلينه الانصار
------------
عكب اخوتي عدوانك تولوني
للشام امشي ميسره خلوني
حر الشمس يحرك رموش اعيوني
وسوط الشمر ورم يبويه امتوني
ضرب وشتم يابا الحسن --- يابا الحسن ضرب وشتم
وبس العليل ويانه ---- يتهظم البلوانه
وبمهجته تلهب نار
-----------
بخوف وخطر مرت يبويه ايامي
اوكثر المصايب فجعت ايتامي
راس الاخوا براس الرمح كدامي
انضرله بدموع الحزن والامي
صحت بصوت يابا الحسن --- يابا الحسن صحت بصوت
ياحيدر اتولوني --- عدوانك اوروعوني
بارض الشام اصغار اكبار
----------
هاني حماده البلداوي
8/ محرم / 1434​

 

[سارة البابلية]

في ميزان حسناتك
صح السانك

 

[هدير الامواج]

احسنت

 

[قارورة وفه]