سكينه تنادي عطشانه يعمي وروحي ذبلانه

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
سكينه تنادي عطشانه يعمي وروحي ذبلانه
يا لوفاي يا رجواي
*****
عتب عندي يعمي وياك وعتابي بثگل همي
من يوم الرحت عني عيوني بس دمع تهمي
واني العطش گاتلني وما چان العطش همي
همي أنت ينور العين ترجع للخيم عمي
يضي عيناي يا رجواي
*******
ياعمي رحت عني وضل گلبي عليك ينوح
وانظر عمتي زينب لغيابك تجي وتروح
ويتامه والحرم وأطفال ينادوك بدمع مسفوح
ياعمي الوعد وينه رد لينه ياوالينه
عوف الماي يا رجواي
*****
صاحت سكنه ياعمي عباس الوعد وينه
أنت الواعدة بالماي وبجودك تروينه
ما ادري شنو عذرك ما ترجع يوالينه
لن صوت الفجيعه يصيح يسكينه اعذرينه
ولونه أعداي يا رجواي
*****
على نهر الفرات شلون بحالي ما دريتي شلون
أجلاف البشر كلهم ولوني وانتوا ما تدرون
تولوني غدر ياحيف ويا شده العليه تهون
گطع اچفوفي لو عزمي لو دم الطفالي أعيون
طاح الواي يا رجواي
*****
يسكينه ثگل همي وحياتچ يابعد عمري
ما همني العطش والماي بس همني ستر خدري
خدري أنتي وخدر زينب عقيلة هاشم التدري
شلون اعلل ثره جسمي موذر ونگطع نحري
اكثرت بلواي يا رجواي
******
عتابچ يابعد روحي هد حيلي وحرت بمرين
يسكينه تعذريني همچ والوعد جرحين
لا روح الارد بيهه لا عيني ولا چفين
ولا ماي البقه بالجود للعيله ينور العين
جمر بحشاي يا رجواي
******
هاني حماده البلداوي
3 \ محرم \ 1436
 

أقسام الرافدين

عودة
أعلى أسفل