ليش ذبلت الورد بثين اديك

[قارورة وفه]

يلا اخذ من عندي حضنك خل اروح
ماتت بصدري اثر حضناتك
هاي لمساتك عليه تريد حيل
ومنهه ارجف من تمر نسماتك
اني كلش مستحي بوجه النهار
حيل خجلني اثر بوساتك
من يمر الليل اشبگ روحي بيك
والسوالف حلوه بحجاياتك
يخدر التنور من صفك الجفوف
واني اخدر من تمر ضحكاتك
بيدي داريت وصرتلك ماي عين
ناسي روحي وملتهي بشغلاتك
الرويت اشفافه عاف اشفافي ليش
خلي تهزك من تمر صفناتك
رد عليه لخاطر احساس الفقير
ليش ساكت ماترد نظراتك
رد اليه سنيني ماتت من وراك
گلبي ساكت بس يدك دكاتك
عشي محتاج لوجودك يله عود
دربي واضح منتظر خطواتك
ليش ذبلت الورد بثين اديك
جان عطره مفوحه لوجناتك ​

 

[هدير الامواج]

يسلمووو على الطرح الرائع
كروعة حضورك
لاحرمنا تواجدك

 

[قارورة وفه]

شكرا على التواجد