#قصيدة_وشاب
الشاعر الشاب علي الارزق
محافظة الديوانية
أثاريني وطن بي قدس مُحتله
وحرب
وجنود
وهات
ومساجد تارستني عيوب
.
اثاريني صور ذكره بهدم جندي
لكوني تراب
والبدله ستر للكاع
أثاريني وصية موت للعدلين
كلها تريد تدفعني لحظن تابوت
كلها تريد تنساني وره ما اموت
كلها تريد
كلها تريد
بس هلناس مابيهم شهم زاتوت
أثاريني شمس تموز
تكره صيتي الولايات
التغيير اوجوه ناس هواي
رغم ما بالنخل حوبه بهذاك الصيف
اثاريني غصن معيوف
لا طير اليسامرني
ولا
ريح اليحز نحري.
وفارك شجرتني بوني
اثاريني مثل دجله
دفن بالماي ناس اثكال
مغدورين
باعوو للفرات ارواح
ابد ما باعوو المكتوب .
ولكن كلهم انباعو .
اثاريني سجن للأه !
و روازيني حضن للشوك
وخيوط الضوه الما تنكمش واشرد واشوف الناس
.
اثاريكم تعبتو وياي
الخجل
والطيب
والبيبان
بس ذني اليفكدن ناس متعوبين
ما عدهم حقد مضموم
اثاريكم
نفس غركان
تندارون فدوه لكل بشر خاين
تندارون كطرة ماي للعطشان
اثاريكم حلم عميان بي بس صوووت
لا تنشاف وادمكم ولا تنضاك
حتى نعرف معدنهم
اثاريكم سفينه يحيط بيها الماي
وهذاك الصوت
والريح
وعواصف ليل
تتمايل سفينتكم لحد ما توصل اللحظه ونموت احياء
الشاعر الشاب علي الارزق
محافظة الديوانية
أثاريني وطن بي قدس مُحتله
وحرب
وجنود
وهات
ومساجد تارستني عيوب
.
اثاريني صور ذكره بهدم جندي
لكوني تراب
والبدله ستر للكاع
أثاريني وصية موت للعدلين
كلها تريد تدفعني لحظن تابوت
كلها تريد تنساني وره ما اموت
كلها تريد
كلها تريد
بس هلناس مابيهم شهم زاتوت
أثاريني شمس تموز
تكره صيتي الولايات
التغيير اوجوه ناس هواي
رغم ما بالنخل حوبه بهذاك الصيف
اثاريني غصن معيوف
لا طير اليسامرني
ولا
ريح اليحز نحري.
وفارك شجرتني بوني
اثاريني مثل دجله
دفن بالماي ناس اثكال
مغدورين
باعوو للفرات ارواح
ابد ما باعوو المكتوب .
ولكن كلهم انباعو .
اثاريني سجن للأه !
و روازيني حضن للشوك
وخيوط الضوه الما تنكمش واشرد واشوف الناس
.
اثاريكم تعبتو وياي
الخجل
والطيب
والبيبان
بس ذني اليفكدن ناس متعوبين
ما عدهم حقد مضموم
اثاريكم
نفس غركان
تندارون فدوه لكل بشر خاين
تندارون كطرة ماي للعطشان
اثاريكم حلم عميان بي بس صوووت
لا تنشاف وادمكم ولا تنضاك
حتى نعرف معدنهم
اثاريكم سفينه يحيط بيها الماي
وهذاك الصوت
والريح
وعواصف ليل
تتمايل سفينتكم لحد ما توصل اللحظه ونموت احياء
