#قصيدة_وشاب
الشاعر الشاب عمار جهاد
محافظة البصرة
تثلم حيل صبري ونهشته الغربان.
وصوت ارواح مشتعله ودوه بركان.
حزن يتشلبه بضلوعي ويعت بيه.
وتوابيت ومجازر غاد تنطرني.
الوجع مني يبات وياي ويساهرني ونغني.
تلفني الاوف واتگمط حرز ورماد ناس اشتم.
هتك وگطوف تشرب ورد اسنين الشفاف.
وزركه تتيمم
زهگ يتثاوب بجفني وقصايد تنكث من الدم.
حدر كل ااه.
بعروگي التعب يلهث رسول لكل ربابة هم.
ركض عمري حمامه ملاحگتها النار
درب لا لنهايه ولا جنح عطار
منايه ملثمه تغازلني كل ليله.
ضمير وادمه الچتلته تبچيله
قشوع وثوره مچتوفه وجياع ومسجد وعرفان
شعب يبچي ومناره مخورسه وموت وضحك سلطان
ثكاله وملحمه ودم سايل وشبان.
الضنون اوحشة الغربه كلت بيه
كوابيس ورزايه تناظر اعليه.
هلي من ابعيد تنعاني وتذم بيه.
هلي يا هلي عفتولكم محتام يا مثگل نواعيه.
هلي اوليدكم جاهل.
غريج بنص عتمته وما حضه بضيه.
هلي هم ويه جرح الوطن ما يگضي انه داعيك يا جرح الوطن مثلك ضحية كارثه ونقمه
انه مثلك حنين وفرهدو رسمه
اسف والجهل يهمش نشوة وحرمان دين وتتن.
يشرب كل مسه بدمه
متاها وخوف يندهني.
محطات ومدن مهجور تدمي بوحشه عيوني.
بيوت مهدمه ونهران اكلها النار روحي وسكته تبچيني.
مراسيم وصليب وچاليه ودفان يبراني.
صهيل اوداعهم يبرم نبي لوسط الصدر ويزاحم الدخان.
حوافر ينهك براس السهر والليل.
مدينه اشباح تستوطن مساحيها كل هذا عشت بيها
ضلام وليل سنطه بلا نجوم وريح تلهب.
تندك البيبان زعيق اوادم تنازع وره البيبان
تفتك من وحدها وتنسد البيبان.
وشبابيج متشاحه وستاير تهتز وحيطان
صوتي يصيحني واندار.
نهيبة حرمه اسمع ب الصده ورضعان.
تخطف شيلة امي من الستاره شراع.
وحي وليلو وبرهان.
انه نسان رادو مني اموت وما اعيش انسان.
ذبل عوز چفي وباقي دوم انسان
يوذرني الشرار التم وارد انسان.
ارد انسان شاعر يضحك ويبچي ويحب الناس.
يكتب للوطن والجوع للفقره.
ارد شاعر وارد انسان
الشاعر الشاب عمار جهاد
محافظة البصرة
تثلم حيل صبري ونهشته الغربان.
وصوت ارواح مشتعله ودوه بركان.
حزن يتشلبه بضلوعي ويعت بيه.
وتوابيت ومجازر غاد تنطرني.
الوجع مني يبات وياي ويساهرني ونغني.
تلفني الاوف واتگمط حرز ورماد ناس اشتم.
هتك وگطوف تشرب ورد اسنين الشفاف.
وزركه تتيمم
زهگ يتثاوب بجفني وقصايد تنكث من الدم.
حدر كل ااه.
بعروگي التعب يلهث رسول لكل ربابة هم.
ركض عمري حمامه ملاحگتها النار
درب لا لنهايه ولا جنح عطار
منايه ملثمه تغازلني كل ليله.
ضمير وادمه الچتلته تبچيله
قشوع وثوره مچتوفه وجياع ومسجد وعرفان
شعب يبچي ومناره مخورسه وموت وضحك سلطان
ثكاله وملحمه ودم سايل وشبان.
الضنون اوحشة الغربه كلت بيه
كوابيس ورزايه تناظر اعليه.
هلي من ابعيد تنعاني وتذم بيه.
هلي يا هلي عفتولكم محتام يا مثگل نواعيه.
هلي اوليدكم جاهل.
غريج بنص عتمته وما حضه بضيه.
هلي هم ويه جرح الوطن ما يگضي انه داعيك يا جرح الوطن مثلك ضحية كارثه ونقمه
انه مثلك حنين وفرهدو رسمه
اسف والجهل يهمش نشوة وحرمان دين وتتن.
يشرب كل مسه بدمه
متاها وخوف يندهني.
محطات ومدن مهجور تدمي بوحشه عيوني.
بيوت مهدمه ونهران اكلها النار روحي وسكته تبچيني.
مراسيم وصليب وچاليه ودفان يبراني.
صهيل اوداعهم يبرم نبي لوسط الصدر ويزاحم الدخان.
حوافر ينهك براس السهر والليل.
مدينه اشباح تستوطن مساحيها كل هذا عشت بيها
ضلام وليل سنطه بلا نجوم وريح تلهب.
تندك البيبان زعيق اوادم تنازع وره البيبان
تفتك من وحدها وتنسد البيبان.
وشبابيج متشاحه وستاير تهتز وحيطان
صوتي يصيحني واندار.
نهيبة حرمه اسمع ب الصده ورضعان.
تخطف شيلة امي من الستاره شراع.
وحي وليلو وبرهان.
انه نسان رادو مني اموت وما اعيش انسان.
ذبل عوز چفي وباقي دوم انسان
يوذرني الشرار التم وارد انسان.
ارد انسان شاعر يضحك ويبچي ويحب الناس.
يكتب للوطن والجوع للفقره.
ارد شاعر وارد انسان
