شعر شعبي عامي عراقي حزن . فراق . وداع . غياب . شوق . عتب . الانتظار . عيدية .

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
شعر شعبي عامي عراقي حزن . فراق . وداع . غياب . شوق . عتب . الانتظار . عيدية . .


جمعة الحلفي (برد) شعر شعبي شوق

چنت أدورلك بروحي على گمره

تفيي لسنينك وتنثرلك سعد

چنت أدورلك على غيمه زغيره

تطش على أيامك ورد

چنت اسامح واشتكيلك

يلي غارگ بالدفو

وك روحي مليانه برد!


.........................................................................................

جمعة الحلفي شعر حزين . شعر شعبي عتب نوم الظهاري


ماجو على موعدي

گالوا خذانه النوم

وآنه من مية سنة

أنطر لذاك اليوم

خلصّت كاس الهنا

وصبيت كاس هموم

يا نوم شلّك علي..

اللي يريدك تهجره

والمايريدك زايره كل يوم!


................................................................

جمعة الحلفي أمير الحمام . شعر شعبي عتب . شعر شعبي حزين

مرات يچذب علي

بعيونه يبان الچذب

من يستحي تحمر خدوده خجل

ومن يبتسم بالروح... يلعب لعب

وآنه أظل متلّوه بحيرتي

الله البلاني بيه

چا ياهو اليفك بلوتي؟

.......................................................................................

جمعة الحلفي شعر شعبي غزل .. شعر شعبي للحب والغزل . خميلة عيد

سبحان الفرح بشفافك ألوان

من تضحك تصير الدنيا بستان

وسبحان النسيم اللي يمر بيك

يسلّم ع الرّمش والرّمش نعسان

وسبحان الحلاوة التحت العيون

وسبحان الضوه الخجلان والغيران

سبحانك خميلة عيد ومراجيح

وسبحان الثمر ع الصدر ريان

سبحانك يحلو الطول يمگمّر

سبحانك... وألف... سبحان

.....................................................................................

جمعة الحلفي فراق شعر شعبي فراق .. شعر شعبي عن الكذب .. أخر كاس

چذّبت روحي وصدگتك أنته

من گلتلي: يمكن تخضّر بگايا الروح ياس

وعلى هالچذبه...

شربت وياك آخر كاس!

.......................................................................

جمعة الحلفي . شعر شعبي عن الفراق . شعر شغبي عن الغياب . شعر شعبي عن الاشتياق من دفنر العشاك


ليله

ليله... گلت تعود الي وتانيت

حنيّت بيباني..وزرعت اللوز بالعتبه

وشعلت شموع وتوضيت

گلت اصلي لك فرض..

لوجيت!

...............................................................

جمعة الحلفي . شعر اشتياق شعبي . شعر شعبي الانتظار شعر شعبي عن الفراق . شعر شعبي حزين . كل يوم


كل يوم توعدني تجيني وما تجي

كل يوم أوصي النجمة ...

توگفلك على الشباچ

نار تاخذني ويطفيني البچي

چنت اريد ارتچي عليك..

طلعت انته المرتچي!

آخ لو تدري..شگد ضام لعيونك..حچي؟

.............................................

جمعة الحلفي . شعر شعبي عن سفر . شعر شعبي عن الاشتياق . شعر شعبي عن الانتظار شعر شعبي حزين


مِن تسافر..

مدري شيسافر مني،

مدري شيذّبل بروحي،

مدري شيجيب الحزن..

شيجيب الدمع والنوح؟

وك مجروح يبنادم،

مجروح من كل كتر..

وين التفت.. مجروح!

..........................................

جمعة الحلفي شعر شعبي في الغياب .

من تغيب..

مثل.. متغيب شمس الله

تاخذني نوبة برد

ويمتلي گليبي ظلام

احچي ويْ روحي بغيابك

لا روحي تسمع

ولا أنا حاچي كلام!

...........................................
جمعة الحلفي >> دفو .. شوق​


ردتك شوية دفو
لآخر ايامي
ردتك لبردي جمر!
ردتك تعاونّي مرة

تكسر الوحشه عليّ
وتشيل وياي الحِمل

كثرت الطعنات يبن الناس،

وگليبي طفل!

.........................................
العراق >> جمعة الحلفي >> عيديه

عيديه
من أذكر اسمك​
چنها خفگة جنح روحي​
مسافة حزن وانتَ بعيد​
وآنه بلايا شي مستكثر جروحي​
عيدية عمر ردتك تجيني يوم​
عيدية چذب وأصبر..​
صفگة باب وأَقبل وانتَ ما چنك​
خل ياكل بروحي سؤالك​
منجل مجانين​
ترى گلبي بغيابك باب ومزنجر!​

........................................
العراق >> جمعة الحلفي >> وداعد

وداع
أرد اودعك..​
أرد ألم اسنيني شدة حزن واْرحل​
ما بقه بيها الينفعك​
أرد اودعك​
من بعيد أومي لك وگلبك يبلغك​
أدري تزعل،​
أدري تحزن،​
وأدري راح يسيل دمعك​
بس راح اودعك​
راح أحط أيدي عله جرحي​
وحيل اوجعك​
أرد اودعك.. راح اودعك!​
.................................
 
التعديل الأخير:
اختيارات مميزة كاردينيا
شكرا جزيلا على المشاركة
مودتي

" تم "
 

أقسام الرافدين

عودة
أعلى أسفل