منقول تالي_الليل

[قارورة وفه]

كون ارجع طفل يم المراجيح
والعب ويه ربعي الحد الغروب
قبل لا اميز اهلي من الجوارين
واحد من ولدهم جنت محسوب
واكتب بالمرايه العمر كلمات
بلكت بالمرايه ويمشي مكلوب
اشتهيت عيوني ذيج الفوك السطوح
الجانت تغلط وماتعرف اتوب
اشتهيت اركض واشوف الكمر وياي
يركض وافتر بذنيج _الدروب
شكثر ماتحله هسه الدنيا بس يوم
مابيها طعم من كعدت البوب

تالي_الليل!!
من اتسلهم اعيون البشر وتنام
احس ابروحي شي ثاني!! ابحر والدموع "اشراع"
اسافر واخذ النجمه لسماي "امتاع"
وما الگه اليشبهوني؟
ارد شبعان موت وتشتهيني "الگاع"
_تالي_الليل ،
أحس ابروحي شي ثاني
الگه اشگد رسايل نايمه بصدري
ما مر بيه كل ساعي
الگه اشگد بشر 'وياي'
عاشو مالهم داعي​

 

[هدير الامواج]

سلمت اناملك على هذا النثر الاكثر من رائع
دمت ودام عطائك
ودي وشذى الوردي