• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.
  • عزيزي الزائر.. يمكنك الان التسجيل والتصفح بعدد اعلانات اقل وبكل حرية .. شاركنا الآن وكن عضوا مميزا في اسرتنا الرائعة.

بقلمي من اشوفك..

محمد جعفر

من أهلنا
من أهلنا
إنضم
2020-06-07
المشاركات
2,198
مستوى التفاعل
1,421
النقاط
117
الإقامة
Baghdad
مجموع اﻻوسمة
1
الجواهر
3,042♔
الجنس
ذكر
من اشوفك..
الگمر يكمشلي ايدي
يروفني بطاري ضِحكتك
يوشّل النجمات من كل السما
او يشتل نظرتك..
يظفر بكل الروازين العفته
گصيبة سوده
بلون ليلي المَر عليّه او ما عرفتك
انته يا .. كل العمُر لو مَر عليّه وياك
يا فَرشة عرس تيْهت شبُگتك..
الضحكه تنطر من تجيها
تحضن عيونك حجيها
تبوسك او تحضن شهِگتك..
آنه اكلّك
من قبل ما توصل انته
چنت اعيش بكل مدينه
دگول بحّار او سفينه
تشتهي ياهو اليجينه
نبيعله شويّة بحر
و الملح ياكل خشبها
او يعتگ شراع السهر
تالي من شفتك گلِتلك
لملم شراع السفينه
نشره فوگ خدودك او إمسح دمعتك
خلّي يغفى الليل بجروف النحر..
يا .. شنهي انته
يا سما او حضْنت گمر
ينزل اعلى شفافي و ايبوس النهر..
تالي حَطّ الغيظ يمّي
او ما حظيت بغيمه وحده او لا مطر..
مدري ليش
مدري ليش الليل يعشگني او يودني
يشتهي لعيوني صندوك السهر
عيدك امبارك حبيبي
القحط حصتي
او على متون الولف طِشّ الشَعر..

# بقلمي
 

Gardi

لا احد
إنضم
2018-10-01
المشاركات
31,560
الحلول
1
مستوى التفاعل
11,827
النقاط
217
الإقامة
العراق
مجموع اﻻوسمة
1
الجواهر
43,575♔
الجنس
أنثى
مبدع شاعرنا
 
أعلى