حلاوة التمر بالسمسم

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
مساء الورد

حلاوة التمر بالسمسم
FB_IMG_1618769977511.jpg_____________________
المقادير :
٢ كوب تمر منزوع النوى(يفضل الخستاوي المكبوس)
٢ ملعقة كبيرة زبد
٢ ملعقة كبيرة طحين
١ ملعقة كبيرة هيل مطحون
نص كوب سمسم
لُب جوز حسب الرغبة
راشي (طحينية)

الخطوات
_________
بعد مافلّسنا التمر ويكون(نظيف ومغسول طبعاً)
نذوب الزبد بتبسي او طاوة تيڤال(حتى مايلتصق التمربالتبسي)
ونحط الطحين ونحرك لحد مايتجانس وشوية
يشگر ، نضيف التمر عليه و نبدي نلابسه وية الطحين والزبد( (اُني استخدمت آلـ masher اللي هي اداة هرس البطاطا واللي نستخدمها من نشوي البرگر ) ) لحد ماتتكون عجينة متماسكة نرش عليه الهيل المطحون و اكو يضيفوله حبة حلوة ..
نشيله من النار وننتظره يدفى شوية وبهالاثناء نبدي نحمّص السمسم على نار وسط ( السمسم بدون ًاي اضافة عليه مجرّد نحطه بطاوة ) مع التحريك الى ان يشگرّ ونطفيه .

بعد مايدفى التمر نبدي نكوره بالحجم اللي نريده
نكدر نحشي بالجوز او بدونه ( خطوة اختيارية)
بعدها نخلي كرات التمر بصحن السمسم ونحركه الى ان يتغطى من كل الجهات،
تكدرون تبقوه كرات وتشيلوه بحافظات وتحتفظون بي.
و اللي يحب يضيفله راشي بس ماينحفظ بالمجمدة لازم ينأكل رأساً ،
اني ضغطت على كرة التمر بملعقة من الوسط حتى تصير بيها فجوة و احط بيها راشي صار منظرها كلش لطيف و تكدرون تستغنون عن الراشي وتحطون جوز مجروش او فستق
ووية اللبن او وية الگهوة ☕️ وتمتعو بطعمه

و الف صحة و عافية

للأمانة فكرة الراشي شفتها بصورة دزتلي ياها صديقتي وكلش عجبتني و حبيت اطبقها
 
شكرا جزيلا بلاك على المشاركة
تحيتي
 

أقسام الرافدين

عودة
أعلى أسفل