تنسى بساع..

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
و اتريدني انتظره..
يا گلبي تنسى بساع
رايدني انسى الفات
بس يرجع بنظره..
چا و الگلب من طاح
او جمراته مستعره؟
و اشگد ليالي تفوت
لا صوت لا نبره..
چا و ضلوعي و الانفاس
من ضاگت بعبره..
چا و عيوني منّ الشوگ
مطّرها فوك خدود
و اتلوّنت حمره..
و حروفي تعبت حيل
تاخذني حد الراح
و اتموت منتظره..
چا او شهگاتي وين تروح
ملّت تخَيط اجروح
و اخدودي مسمرّه..
چا و اشگد صحتله بآه
او طشّرني عالغبره..
و اشگد فتحت ابواب
تترسني بس تراب
لمّن يفك شَعره..
خلّاني بس ناعور
عالخالي بس يدور
و اشجاري چن فقره..
چا و رموشي ذبلانات
و عيوني مچفيّات
و الصوت مَل عُمره..
يا گلبي تنسى بساع
و اتريدني اتلگاه
مِن يرجع بنظره..

# بقلمي
 
حروفك وابداع قلمك الراقي افتقدناهم لزمن
لاحرمنا الله منهما
تقبل تحيتي وتقديري
 

أقسام الرافدين

عودة
أعلى أسفل