• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.
  • عزيزي الزائر.. يمكنك الان التسجيل والتصفح بعدد اعلانات اقل وبكل حرية .. شاركنا الآن وكن عضوا مميزا في اسرتنا الرائعة.

Moon

مؤسسة المنتدى وصاحبة الإمتياز
طاقم الإدارة
عضو في شباب الرافدين
إنضم
2018-08-28
المشاركات
2,364
مستوى التفاعل
518
النقاط
87
الإقامة
العراق
الجواهر
4,246♔
]يزينب كَلبـج اشــايل ألـم
يزينب من وكَع راعي العلم
***************************
شلون ننسه بيوم حركَو يالعقلية خيامچ
شلون ننسه سياط أمية النزلت على عظامچ
چم مرة بالليل ذاك تسلبت كَدامــچ
عالعهد نبقى يزينب للحشر خدامــچ
يزينب شـــال كَلبچ يا ألـم
يزينب من وكَـع راعـي العلم
********************************
وين خدرچ والدلال البيه راسچ عالي
الدنيا يا زينب عجيبة ما تظل للتالي
هوه الي يفاركَله خل يكَول شيب حالي
وأنتي يا زينب دليلچ فاكَك شجم غالي
يزينب حركَــو عليــچ الخيم
يزينب من وكَـع راعـي العلم
********************************
سورة عن يعكَوب نزلت تحچي عن مصابه
راح يوسف عنه فترة وانعمه على غيابة
يعني ما حركَوله خيمة وذَبَحوله احبابه
والله يّم الحزن كَلبچ ماكــو مثل اصوابه
يزينب طفــهَ يا عين السهم؟
يزينب من وكَـع راعـي العلم
********************************
ليل وحشة بلاية خيمة واخوتچ مذبوحة
عيونچ على حسين شفتي شلون طلعت روحهَ
حكَــه يا زينب دليلج ما يخَلص نوحــة
هذا ياهو المثلچ أنتي تدوي نار جروحة
يزينب ويـن دلالـــــچ هِــدَم
يزينب من وكَـع راعـي العلم
********************************
شلون أبو فاضل كفيلچ يقبل يسلبونچ
شلون من شدو أديچ وتجري دم عيونچ
شلون من ماتت رقية هناك الله بعونچ
آنه متأكد يزينب لسه زركَــــهَ متونچ
يزينب من كفل هــاي الحرم
يزينب من وكَـع راعـي العلم
********************************
وين ماتمشي الغريبة الحزن يمشي وياها
الزمن چم محنه ومصيبة بت علي راوآها
عكَب ابو فاضل دهـرها للحزن وداهــا
أرواحنه اخلافــچ يزينب الله لا خلاهــا
يزينب لسهَ كَبرچ مـا سلم
يزينب من وكَـع راعـي العلم
********************************
أمس كَبرچ يالعقيلة رادو يهدمونه
المهدي لليوم على حزنچ تبچي ضيم عيونه
شيعتج يّم المصايب لسهَ ينتظرونــه
يمتــه للكوفة يجيهم حتى يتلكَونــه
يزينب چـم كَلب منـه أنحرم
يزينب من وكَـع راعـي العلم
********************************







حيدر حسين الكرعاوي
 

سارة البابلية

عٍـسلُِ آلُِشُبَـآبَ♔
عضو في شباب الرافدين
إنضم
2018-10-15
المشاركات
42,984
الحلول
1
مستوى التفاعل
17,644
النقاط
117
الإقامة
شباب الرافدين
مجموع اﻻوسمة
2
الجواهر
54,343♔
الجنس
أنثى
شكرا لمجهودك غلا
004.gif
 
أعلى