شعر شعبي عن الوطن . شعر شعبي عن العراق . ابوذيات عراقية

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
شعر شعبي عن الوطن . شعر شعبي عن العراق . ابوذيات عراقية

جروح الوطن بالروح - تربه
وكحل للعين يامهيوب - تربه
سجادة الارض وجبالة - تربه
ودم جدي الحسيـن طهور لية
__
عزيز الوطـــن واعشگ ـــــــ ترابي
وتضل اعله البلد عيني ــــــ ترابي
العراق اسرار وهوايه ــــــــ ترابي
رجال ابطـــــــــال من نفس الهويه
............
جريح الوطن يـــــنزف ـــــــ بلاداي
وچثير اجيوش هالطبت ــــــ بلا داي
اقاتل لوصرت عــــاجز ــــــ بلاداي
مثل عباس بارض الغاضـــريه
........
ادك والطم على راسي بلاداي
ولك يالعذبت حالي بلاداي
علي عزت وان جارت بلاداي
كرام اهلي وان شحوا عليه
..........
صدور حيود للچيلات .. مرگص
من عضاك خنجر غدر .. مُر گَص
اذا محتاج گلبي هاك .. مر گِص
عراگ انت بوريدي للمنية
..........
النخوة علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي عله الهوية
...........
وحي من مرار الضيم هامات
ها عدل صاحو علي ها مات
ابد منذل ونطخ بيوم هامات
رضعنا الزود من در عراقيه
.......
منو اليغدر باهله اليوم - من سام
منو البايع الدين برخص - من سام
اذا من حام آنه وانته - من سام
هم بآدم نرد كلمن خوية
........
سجين ولا جنح عندي وامركم
واظل خاضع لأمر الله وامركم
ولا بد للسجن يخلص ومركم
واعاتب كل محب ما مر علية
........
سجين ولاجنح عندي _ ولا دين
وصرة جاني بلا تهمة _ ولادين
الوكت فرعون لارحمة _ ولادين
وصبر ايوب كلبي اعله البلية
.........
يمعلم الحروف وللبشر مليت (الاملاء)
بعلمك فاضت الدنيا وملــيت (امتلئت)
معقولة العجز صابك ومليت
لو مذبوح انت عالهويه
.........
اريد ابجي عليـــك وارد الاجي
واريد ابتعد عنك بعــــد لاجي
اعيش بنص ربوعك جني لاجي
اذا باجناب شيسوون بيــــــــه
........
بلكش وبسومر اتاصل.......عراقي
وعلى اجبيني فلاطاحت......عراقي
هويتي وافتخر بيهه........عراقــــي
وبهه ارتفع راسي ويــه الـــثـــريــه
........
عراق الطيب للطيبــــــتز منحل
ااشد وياه روح ابـــروح منحل
ماعندي ابـــد واللــــــه من حل
سوه الموت ابهواه وهاي هيه
........
تنور الضيم بكليبي شجرتــــــه
الحزن جار بداري شجرتــــــه
يظل كلبي عراقيه شجرتـــــــه
جذوره طيب وطباعه وفيه
......
وين الگه وطن مثلك بعدلاك
عساني مبعدت عنك بعدلاك
اردّن ليك تطلبني بعدلاك
والك مني العمر اخذه هديه
.......
بنوماس العشاير علـت هامات
ياليلى بمحبة قيس هامـــــات
حيرني الوطن هاطاب هامات
العراق نعيش بي كلنة سوية
.........
غيرك مانحب احنه شرطنه
عراقيين ياهو اللي شرطنه
ونبقى اعله العهد هذا شرطنه
نموت بهل الوطن كلنه سويه
........
يدنيا شبيج شو ضكتي علينه
بمصابج فوك تدرينا علينه
الاهي بجاه حيدرنا علينه
ترد للدار خوتنه سويه
........

 

أقسام الرافدين

عودة
أعلى أسفل