غزل
مراقبة عام شباب الرافدين
رايدتني الدنيا عنوان لتعبها
وانا لو ما هذا الفراگ الضعت طيره بصفگته
چان هسه شگد احبها
يا ضريح يفكلي بابه ويطرد إمن جناحي همه ؟
ويا مسيّة تنام بعيوني إمن اغني
ويا صدگ ياخذني حلمه ؟
ويا مراية اتحجب الشيب البروحي من يصد لصباي زلمة ؟
خايفة اكبر وحدي وافطن للنسوني
وخايفة إمن الچذبتهن بالقصايد ينقرن للصدگوني
وخايفة الدليتهم عني برسالة
لگوا حزني ومالگوني
وخايفة إمن التجاعيد بوجهي تحلى
وخايفة انسام برخص واشعاري تغلى
وخايفة اعبر كل صعب وانعاف سهلة
وخايفة بحظ يا نصيب انگاد للعميان كحلة
وخايفة بهاي الدواوين الأمَر من گهاويها
امشي للمو طوگ كذلة
وخاف أتاني ومايوالمني حبيبي
وخايفة الحگ شوگي ويرجعني شيبي
كون اعرف بيا كتر روحي نَزفها
چا سمعت الگالّي إمن ابعيد طيبي
وچا عرفت بديرتي شمريود مني
وماتغربت بنصيبي
انا حسبالي العشگ حَل وشربته
وانا من تانيت محبوبي عمر ماردته يرجع
ردت ارجع اسنيني المچلبة بشبگته
وهسه عگب الغبشة ال بهاي القصيدة
انعمللّه الليل لو خلاني نمته.
