صور شعريه من هنا وهناك 3

[قارورة وفه]

يدك براس حبك يزغيرون
وآحن لحرورتك حنين النوك
حقي ارتبك ووگوع من أﻻگيـك
رمش عينك يفهي العدهن الطلوك
الشمس شتعودلك شويچوي ملكاك
دفؤ زنودك على المستبرد يلوك
حايط بابكم معذور إذا طاح
الله يساعده بكل لحظه مدگوك​

 

[قارورة وفه]

ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك
عوف دمعك
حيل آضحك
خل نسمعك
توني أجيت اضحك .. واجو بچوني​

 

[قارورة وفه]

روح گتلك ليش أخذت حچايتي
سوالفك والليل سلبن راحتي
دمعي طاح وعاذرك
ومن اصلي الخاطرك
هيچ أگولن ربّـي رجعه بداعتي​

 

[قارورة وفه]

إنخاف ما نحچي الحقيقه
أيعـذرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرانه مليانَـه حزن
ومجسّــمه بصورة عذاب​

 

[قارورة وفه]

الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني​

 

[قارورة وفه]

ﻻ‌ تحچي بعنف من تنصح الناس
آبدي بعيب نفسك يلّـه تتكلم
الگدامك بشر مو كومة آحجار
لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّـه يتعلم .​

 

[قارورة وفه]

آني ما أخون ربعي حتى لو خانو
وإذا هين عليهم هم ما هانو
چانو على الاقل ذاك الوكت زينين
وراح اسكت لخاطر كلمه الچانو​

 

[أمجد]

عشت شاعرنا