قارورة وفه
جنني هواك من حيث لا ادري
أسألك ليش أيمانك ضعيف اليـــوم
والشيطان داخل فكــــرك معشعش
يصيح الله أكـــبــــر وانته يبن الناس
ع الانتر نيت ويه اصحـــابك تحشش
ولك أنته چبير وفاهم ومفـــروض
على درب العباده عيـــــــــــــــــــونك تفتش
درب ربك نجاة وراحـــه واستقرار
عوف الفيس بوك وبالـــدرب كمش
مسلم أنته اسألك لو يهــــودي الدين
جاوب لا تضل محتــار وتهمش
شنو تنشر صــور بيهه الستر مفگود
وشنو تنشر مقاطــع للحيه تخدش
هتفـــونك بأذنك والغناء يصيح
ولك هاي الأغانــي بدينك تفلش
يسالوك اعله مطرب تحچي بالتفصيل
يسالوك اعله دينك تطلــع مكدش
انته هــواي جاي تأذي ابو السجاد
وعلى جروحه ملــح بفعالك ترشرش
مسلم أنته كون اسلامــك يخليك
تركض للصــلاه مرتاح ومنشنش
چا أنته شجاك اويه الربع خــــــــدران
وتحچي اويه البنات وبالك موشــوش
ميفيدك تسـولف وي بنات الناس
اليفيدك للصـلاه سجادتك تفرش
باچر من تمــوت وللگبر تنشال
صدگ بس صــلاتك تنفعك كلش
صــار الفيس ربك ألعن الشيطان
وانهض للصلاه عالفيس لا تلطش
عـــــوف المنتدى والفيس والأصحاب
گلهم خل نصلي ونرجــــــــــــــــع ندردش
روعه 
