لطمية لحظه لحظه خل اودع حسيني

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
لحظه لحظه خل اودع حسيني
لحظه لحظه ماأشوف بعيني
جامد الدم بيهه والسهم عاميهه
يذباح يذباح
*****************
شويه ياذباح مهلا لحظه ياجتالي
حسين ناديته وسمعني بس اودع الغالي
اني حسينك يابو الغيره
كل ظنك اني الذباح
نايم هندس ليل بعينك
كل حيلك وي جودك طاح
اكعد اكعد ياكمر حاجيني
اكعد اكعد بهجرك تأذيني
عيونك انته شبيهه ياهو المطفيهه
الكلب صاح الكلب صاح
*****************
حسين اسف ماعرفتك خويه الله الشاهد
عيوني مو فصهن تطشر دم عليهن جامد
ها يالكافل إخذ عيوني
وإشبع من حسينك شوف
وارجع مو زينب تنتظرك
وسكينه الكاتلهه الخوف
ارجع ارجع كلشي يصرخ وينك
ارجع ارجع خويه منتظرينك
والدموع اجريهه تبتعد تاليهه
يسباح يسباح
*****************
حسين خليني بمكاني ماأرد للخيمه
خويه عطشانه اليتامه وبكلبهم هيمه
ارجع للخيمه متانينك
ياعباس وعوف الماي
شوفة وجهك تروي اطفالي
سكينه تريدك يالوفاي
دمعه دمعه طاحت امن عيوني
دمعه دمعه والعده يشوفوني
منين قصتي ابديهه بالدمع أرويهه
الكلب ناح الكلب ناح
****************
امسح دموعك يغالي حسين الله يصبرك
خويه سولفلي برحيلي ياهو يسند ظهرك
حيلي اتبده وظهري اتكسر
من شفتك طايح عباس
بعد شويه وراح اتكطع
لاخنصر ابقى ولاراس
خويه خويه خل اشمن نحرك
خويه خويه بكلبي احفر كبرك
عيوني دم ابجيهه والعمه سابيهه
ممرتاح ممرتاح
**************
حسين كلي شلون زينب لو نسافر عنهه
شلون بمتون العقيله سياطهم ياذنهه
ياعباس وزينب حرمه
واحنه لزينب خويه حزام
من نرحل راح يكيدوهه
وتدخل يالكافل للشام
صعبه صعبه الشمر يمشي وياهه
صعبه صعبه خويه مانرضاهه
والحبل بيديهه واحنه ننظر ليهه
امن الرماح امن الرماح
****************
حسين سلملي اعلى زينب كلهه الله بعونج
كلهه عينج عاليتامه الزلم من يسبونج
ياعباس شلون بزينب
من تنظر صرعى الاجساد
لا انته ولا أني اوياهه
ومابي كل حيل السجاد
تبجي تبجي لو شمر سباهه
تبجي تبجي والايتام اوياهه
والدمع يجويهه والشمر يحديهه
العلم طاح العلم طاح
 

أقسام الرافدين

عودة
أعلى أسفل