منقول ايهاب عيال .. . يطيح الليل فوگ عيوني و اشكيلك

[Gardi]

ايهاب عيال ..

.



يطيح الليل فوگ عيوني و اشكيلك

گـوم امشـينه تـچيلي و اتچيلك

تعبت عليك خل نمشي .. النار أدنت لرمشي

كلشي عيوني يردنه .. بس ما حصلت كلشي



تكابر و التدوسه الناس شيكابر

ندم و الخيل تصفگ حافر بحافر

الم عافيتـي لو لمك .. وجهك ماهو شيرسمك

الحافر واصل لطيفك .. رمشت عينك اتلچمك



أهـز بجـثتـك و انـتَ و لا چنـك

نـص منك جزيته و هذا نص منك

العمر لو مه العشگ فاهي .. واشوف اعمامتك ماهي

ماني مصدگه احچي وياك .. تگلهم هلمره ياهي ؟



اسولف وانتَ ساكت و انا محترگه

صدرك نعمة كون ايبوسه اليسحگه

يگلبي اتوهوس اشمالك .. فال الله و لا فالك

اليموت عليه شو ميت .. التموت عليه كتالك



شكثر ابچي دمع يا ضحكتي و عظمي

مثل الهيـل شو طحـنوك يبن امي !

شبيدي و رايح من ايدي .. دمي نشف بوريدي

يروحي عاشگچ عافچ .. صح حبيتي بس هيدي



بچيت و ضحكو عليه و گلت مو عيب

العاشگ صار عاشگ چي يسولف شيب



حرگو‌ گلبي و اخيامـي .. يغص السوط بيتامي

النفس ما يصعد بصدري .. التل شيصعده يجدامي

 

[كاسر القانون]

كلمات جميلة احسنتي عاش ذوقج وردة

 

[هدير الامواج]

مشكووور والله يعطيك الف عافية

 

[Dunea]

روعة حبي
عاشت الايادي